好仔唔當差?無問題!/ 黃潔慧

警察從來都係國家機器,和平時期裝個笑臉,讓人民感覺良好。到人民和政府有衝突時,我不相信警察會站在人民一方。國家機器提供大量利益,加上同袍之間那種「兄弟」團隊的洗腦,政權放任的「合法」暴力,做就了警察不怕真面目在鏡頭前顯現。

主場博客

旺角當晚阿 SIR 的行為,係我做咗幾十年人以來,見過最令人羞恥的一支警隊。我出生於 ICAC 剛成立的年代;成長於警隊大幅招攬大學生以提升警隊專業水平的年代;採訪於面對幾多比岑敖暉更加「孔武有力」的韓農,警方都表現克制又專業的年代。我一直深信,害群之馬只係少數人,唔係警隊認可的文化。

但旺角當晚完全扭轉了我的睇法。唔止郁手涉暴,仲有幫手同維護同袍涉暴的,以及縱容涉暴的,係好大班警員。唔係個別問題呀,係整體意識形態的問題!阿SIR似乎認定,示威者係流氓,記者係流氓,所以就算用對付流氓的方式應付之都 OK,否則,行過就用棍打,幾個人圍你一個按你在地,屈你搶槍等,唔會做得咁理所當然,咁過得到自己。

有做咗幾十年記者的朋友話,從今以後,好仔唔當差,邊個會覺得考警察係件值得驕傲的事?警隊質素會越來越差。

我想話,對管治者嚟講,有咩問題呢?全世界的專權國家,鞏固權力的極重要一步,都必然係收服所謂 coercive apparatus。通常都係軍隊;但香港話晒係一國兩制,解放軍唔會入城,呢度又冇城管,警隊,就係頭號必須搞掂的對象。香港人受殖民思想「荼毒」,叫你班已經知專業兩字點寫的差人,突然變人民公敵,警察叔叔們怕且都過唔到自己一關吧。而家好了,大把理由,等一班警員自己「醒覺」,將市民當流氓,唔係一石二鳥,慳水又慳力嗎?

這是全世界專制政權的不二手段,除非你話我知,中共唔係專制政權,兼且梁振英又唔係專制政權。咁我就會提醒你,一年前,紀律部隊訪京,獲特別高級別接見,當時曾偉雄的排位,猶為紀律部隊一哥。

所以,再吸引唔到好仔當差?冇問題呀,正好來一次意識形態的清洗。只係一班身在局中的警員不自知。

IMG_7627原文刊於作者FB專頁,標題為編者所擬)

View original post

廣告

發表留言

Filed under 評論

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s