和孫中山談和平理性

孫先生:

一百年前你搞革命,吾係掟蕉咁少事,係舞刀弄劍,又槍又炮,你真係暴力。仲四圍煽動別人,簡直係尋釁滋事。我知道,太后係吾好,皇帝係有吾著。但你應該和平理性,坐底慢慢傾,萬事有商量。今日傾吾到,明天再傾。今年談判不成,明年再來過。

1989年春夏之交發生的事,李鵬係做錯,但我們都好和平咁,冇用暴力推反佢,更冇尋釁滋事。我們只係每年6月4日,去香港銅鑼灣維園,靜靜的入去,坐一個晚上,唱幾首歌,高呼幾句口號。之後大家便回家,明日繼續如常生活。感覺良好呀,又上頭條新聞。我們好堅持,做了廿幾年。雖然司徒華都仙遊,64仲未平反。但我們會繼續和平理性,不會好似你咁用暴力解決問題。

近日有些青年人,吾知係咪去咗博物館睇完辛亥革命展覽,讀了幾本有關你的書。好學吾學,學你用行動來說話,搞到香港幾多暴力事件發生。行政長官個心口都被人頂呀;政制及內地事務局長林瑞麟先生(即係我最尊重,香港政府內做得最好的那位局長)舒尊降貴到地區,聆聽人民的聲音。咁場地細,座位有限,係有好些空位,但你哋都要慢慢排隊,等候召喚才可入去。點可以用暴力,爆門而入呢!咁咪吾係理性討論,而係暴力阻礙政府聆聽人民的聲音。

行政長官做得好辛苦,雖然有一些聲音希望復建居屋,立法會內左中右各黨派都少有統一有此訴求。行政會議召集人也反骨係外面說三道四。但行政長官係睇大局,有好多事係我們小市民吾能夠理解。我們要相信政府、相信行政長官。有問題,要等到他去立法會做答問大會,由議員們代我們提問。當然要遵守秩序,逐個有禮貌地提問。不能用粗言穢語,更不能掟蕉。雖然已經7年,政府甚麼也冇做,好多人住劏房。但我們都會和平理性,繼續係立法會和政府討論。

中山先生,現在世界已經吾同。如果你還在生,係吾會有香港人同意你的做法。我們係全世界最熱愛和平,做事最理性的一群人。地產霸權、高地價、高租金、劏房、貧富懸殊;只係一些枝節,香港整體係繁榮的,大部份人都安居樂業。

一百年前,你和你的亂黨所做的事,給我們教訓,不和平理性,只會令社會動盪,我們會好好反省,想清楚究竟甚麼是對錯,其麼叫官逼民反。早前讀報,胡耀邦個仔胡德平出書憶父親教誨。其中一段係咁寫:

意識到自己的奴隸地位而與之作鬥爭的奴隸,是革命家。不意識到自己的奴隸地位而過着默默無言、渾渾噩噩的奴隸生活的奴隸,是十足的奴隸。津津樂道地讚賞美妙的奴隸生活並對和善的好心的主人感激不盡的奴隸是奴才,是無恥之徒

孫先生,如果你遇上胡耀邦,麻煩你幫我對佢講:請你老放心,回歸十幾年,現在香港係共產黨領導,特區政府的有效施政下,香港人生活都好好,請他放心。孫先生,你也可以放心,不會再有人雖要你的革命了。因為,香港好,中國好。

一個香港人 上

如要係iTunes下載,請用 http://kanpress.com/rss.xml 連結

廣告

發表留言

Filed under 評論

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s